Llunes 24 de febreru a les 19:30 h
nel Salón d’actos de la Casa sindical - Xixón
El próximu llunes 24 febreru, a les 19:00 h., nel salón d’actos de la Casa Sindical de Xixón, los sindicatos y coleUtivos sociales que formen ¡Asturies de pies!, van realizar la presentación pública de la campaña “Pola Xusticia Social”.
Les lluches pola Xusticia Social, contra los retayos, polos derechos llaborales y sociales de les y los trabayadores y, a la fin, la marraza por una vida digna pa toles persones, ta saldándose con represión, detenciones, golpes y pidimientos de cárcel.
Un grupu de 15 persones provenientes d’abondos puntos de la xeografía asturiana ya imputaes pola so llucha n’estremaos conflictos (fuelga xeneral, minería, paru, deshaucios, Caxastur, especulación urbanística...) y con peticiones o probatibles peticiones de cárcel, van esponer les sos reivindicaciones y van plantegar la necesidá d’esparder la nuesa solidaridá a cualisquier persona represaliada.
L’oxetivu d’esta campaña ye siguir engabitando toles lluches que tán dándose n’Asturies, pero, al empar, crear una rede solidaridá para coles persones que son represaliaes de resultes del so compromisu social.
¡Nin una persona sola ante la represión!. ¡Nin una persona sola na llucha pola Xusticia Social!.
